The BASE nature (已結業)

星期六行完山，入到商場，就系醫肚的時間，荃新天地算系人流比較不多的商場，食野選擇都幾多，就咁望落去無意左發現了The base nature,新開的餐廳，見到環境不錯，決定試下。木顏色格局，一兩棵小樹🌲裝飾在左右，為環境增添左幾分生氣，睇上去感覺舒服放鬆。選擇不是太多，主要sale其健康fusion 的特色，由簡約出發以食材質素落手，都是有特色的幾款色彩繽紛的養生菜。野菌蘑菇餐湯creamy,有著濃濃的菇味，食到粒粒碎菇，口感超級好。我地點左燒原隻日本八戶魷魚釀墨魚汁意大利飯同香煎日本刺身帶子配北海道南瓜藜麥飯，賣相很好，食材好健康。鐵鍋裝住的燒原隻日本八戶魷魚釀墨魚汁意大利飯好得意，系用將墨魚汁意大利飯釀入原隻魷魚🦑入面，上面再鋪一層木魚碎，每一口飯都被魷魚包住，好有特色，仲保證了食物的溫度，加上海鮮🦞飯汁更加好味。香煎日本刺身帶子配北海道南瓜藜麥飯，食材選用了非常健康的藜麥做為飯底，混埋十分綿密的南瓜蓉，每一啖都覺得有益，刺身帶子比普通帶子大粒鮮甜，表面煎左下，食落依然鮮嫩，加上蘆筍，無論感觀定味覺都冇得輸！嘆上一壺健康茶，洛神花茶消滯解膩，很舒服。