新仙清湯腩咖哩專門店 (已結業)

是日係附近經過，又仲未食午餐，阿姐係門口係咁叫我地入去試下，話佢地D牛腩咖喱好正下省幾十字咁，咁就入去試下啦。午飯時間過後，店內唔算好多人，只有幾個客人，但都KEEP住有D客人出出入入喎。阿姐好多推介，又叫試呢樣試個樣，既然黎得呢度當然要試佢地既出名野食啦。最後我地兩個人一個叫左碗坑腩河，另一個叫左清湯腩飯，阿姐問要肥D定瘦D，最後就話要半肥啦。野食差唔多同時間黎到，我地將D牛腩全部撈埋一齊食~ 哈~ 食得好開心。先講佢個清湯腩飯，當然飯同清湯腩係分開上，我覺得佢個湯底幾正喎。飲落味道勁濃，而且幾鮮甜，雖然飲完覺得有少少口乾，但飲個刻係覺得幾滿足的~ 雖然話要半肥，但黎到其實都唔係太肥，OK的，肉質一D都唔靱，肉味又濃，唔差喎。而且除左好多牛腩外，仲有好多蘿蔔添。蘿蔔好好食，又淋又無渣，夠哂鮮甜入味，成碗野份量一D都唔少。另外坑腩河都唔錯的，坑腩望落好似好肥咁，但其實幾爽口的~ 完全唔會覺得好膩，而且食落帶有油脂幾甘香，唔錯喎~ 雖然我都幾怕肥下，但我都食左好多呀~ 不過呢個湯底相比起係較淡無咁鮮甜的呢~食完覺得好滿足地走人，下次想食牛腩時又黎食過先。