意粉 360 (已結業)

今日同幾個朋友黎呢度食飯，見呢度係新開既就入黎試下。感覺上，呢間360唔係開左好耐。酥皮湯我唔記得左有咩料，不過都唔錯既。加上鬆脆既酥皮，令個湯錦上添花。小食脆炸一口雞呢個炸雞既肉質鮮嫩，配上沙律醬口感一流。鰻魚脆餅呢個只得兩舊，但鰻魚整得幾出色。好脆口，所以我地就算一人食得半舊都好滿足。芝士肉醬薯條呢個食過幾次，不過都依然覺得好食。炸好既薯條配上芝士肉醬，可以食到幾種層次既味道。芝士煙肉脆棒呢個好似麵包條，不過脆口相當。加上芝士醬就令我好滿意啦。炸洋蔥圈後加既，粉唔太厚。而且份量算幾多，唔錯。主菜香辣貴花蚌意粉個意粉同我之前屯門食既一樣味，個貴花蚌又整得幾淋。而個意粉依舊彈牙，好有質感。楓蜜脆雞pizza個pizza係脆批，不過又幾好食。個配搭好創新，脆雞好得意，個pizza有生菜條。好多料，個配搭好得意。飲品、甜品香蕉pancake個皮唔算厚，香蕉同cream既份量好均勻。個個都食得開心。榛子香芋冰個榛子同香芋味好濃，但我覺得太甜啦。最右面係我飲既。食物既質素無庸置疑，而且服務真係好好。成日都幫我地加水，而且職員好有禮貌，實有下次既。