棕櫚閣西餐廳

营业中

休息中

由中學到大學都係喺何文田返學，但一直都冇為意呢間酒店入面嘅呢間餐廳，原來係幾抵食！今日難得重返舊地媽媽介紹話要嚟呢度食， 梗係冇意見啦！母親大人埋單喎😁😁 一入到去餐廳嘅裝修雖然唔算好新穎，但係坐得舒服，而且服務員嘅服務都非常之好🤤🤤唔講咁多介紹下場內嘅食物先唔好諗住以為食完呢轉就會冇，啲嘢食去得快但係fill得仲快🤤所以次次出嚟到見到係滿嘅。呢樣嘢就真係欣賞餐廳呀！呢個龍蝦湯其實味道有啲似蕃茄湯，但係佢落咗啲燕窩同龍蝦肉落去。而且去佢哋側邊夾啲蒜蓉包或者包點嚟食點嚟飲，幾好味㗎 至少我一個人飲咗三碗😂沙律選擇都非常之多總共有成十款㗎🤤而佢哋嘅甜品，一入門口就會見到㗎啦😌更重要嘅係呢度嘅movenpick雪糕係任食㗎！不過記得食得曬先好拎多😂而呢個呢我就爭啲走寶，因為佢係一個類似檔口仔喺門口側邊，而且冇人去，佢哋就唔會打開蓋。到一打開蓋，先發現到呢兩個寶物熱辣辣，又係必食呀😌而且每枱食客會送一板海膽仔同埋蟹籽沙律。唔好以為唔好食呀！個海膽非常之鮮甜，一啲都唔腥唔會有怪味，絕對有品質嘅保證！而且紫菜夠曬脆加上蟹籽沙律，真係好豐富呀🤤仲有啲大蝦羊架即整即食💋掛住食都爭啲唔記得影下自己食咗啲