上海姥姥 (已結業)

大年初一拜完年之後，想近近地係附近搵間餐廳食晚餐，原來都唔係想像中甘容易，如果唔想食連所式快餐店，得番商場入面嘅酒樓同上海姥姥二選一。好彩上海姥姥好快就有位，一行六人立即坐低食飯。拜年食左好多糕，大家都有啲膩，見到糕就怕怕。小籠包:熱辣辣，算做到皮薄多汁，大力少少夾都會夾穿，好驚夾穿會漏走啲精華呀煎鍋貼: 底煎到幾脆，一咬開有好多肉汁，如果個煎再煎焦少少更加好生煎包: 同鍋貼一樣咬開好多肉汁，不過不失排骨粗炒： 排骨份量比想像中多，可以分到每人一件。面彈牙，略嫌多油左啲炒糖酥魚塊：唔好睇佢甘細碟，全晚最好味嘅，魚塊好滑，炸粉好薄，酸甜汁味道剛好，好開胃，光速食完蒜蓉炒時菜： 今晚有油麥菜食，ok 嘅可能新頭正，員工服務笑容可掬，我地都傾左好耐計，密密幫我地添茶，又冇趕我地走再叫左兩個甜品，忘記左影相豆沙鍋餅: 不過不失菊花蘆薈凍糕: 呢個甜品有驚喜，一嚟唔係好甜，冰冰涼涼，好香菊花味，底有啲一粒粒蘆薈粒，好好味，為呢餐晚飯劃左個句號。