阿爺燒鵝餐室 (已結業)

在家食飯食得多都好悶，得閒斬料返屋企… 大圍唔知幾時開咗間新嘅燒味餐廳，專食燒鵝，今日就去嗰度斬料加餸返屋企試下啲味道！外賣價錢中規中矩，唔算特別平但係都唔算貴 ，而且選擇都幾多本身聽到店員係咁話新鮮出爐燒鵝髀，真係好想食……但係呢排濕疹發作都係唔好食啲濕毒嘢， 最後只係斬左叉燒同燒肉返屋企叉燒顏色非常之靚，而且仲有好多蜜汁！ 側邊有少少燒燶嘅香味，食落非常之鬆軟鬆化！ 而且麥芽糖嘅甜味調教的剛剛好，唔會太甜但係有令人想再食多啲嘅感覺！半斤燒腩仔， 燒腩仔肥瘦分明， 而且打開已經聞到非常之香， 燒肉皮仲係非常鬆脆的 一啲都唔硬，肉質仲有啲juicy綜合斬料斬咗兩味，屋企人評價都唔錯可以encore！ 下次一定要試下食燒鵝先得等外賣時見到原來有做下午茶，仲去到六點 可以一試阿媽已經整咗手撕雞，如果唔係可以試下呢個