快靚正燒味粉麵茶餐廳 (已結業)

今天放假，去左行西九，今晚去探阿爸，佢最鍾意食燒鵝，一於買D比佢食，從西九天橋行去，落橋口有一間燒味店，望到廚窗掛滿燒味，有雞有鴨又有鵝，還有乳豬和燒肉、义燒等，所有燒味都掛或放廚窗内，好衛生，除左外賣，還可以堂食，但我要買比阿爸食，所以就斬料外賣。所有燒味放在廚窗內，清潔衛生，值得一讚！燒鵝半隻：皮薄脆，不會太肥，肉質鮮嫩，鵝香味濃郁！見到成盆义燒剛剛燒好拎出來，甘靚忍不住買了一些，瘦肉帶少許肥肉，肉質入味不會硬，加入甜甜的蜜汁好惹味。燒腩，阿爸除了喜歡燒鵝，也喜歡食燒腩，所以我又買了，肥瘦均匀，拎到返屋企個皮重脆，阿爸大讚好味！