燒味滷師 (大廈街)

营业中

休息中

今日去親戚家食飯，決定斬啲燒味加餸，即時諗起燒味滷師。而我喺長沙灣分店食過，覺得佢嘅CP值極高，今次就試吓大窩口分店。經過舖頭門口就聞到香噴噴而且賣相一流嘅燒味，店內有自設嘅工場，望落都幾乾淨，信心嘅保證。至尊燒鵝燒鵝外皮酥香鬆化，肥瘦均勻，鵝肉嫩滑，食落有油香，而且醃製得平均入味，有淡淡煙燻香。外賣還附上一包甘香嘢味嘅燒鵝汁，值得一讚。燒味佬叉燒今次叫咗份半肥瘦叉燒，叉燒肉質軟腍，而且沾滿了又甜又香的麥芽糖，味道媲美星級餐廳食嘅黑毛豬叉燒。客家鹽焗雞今期做緊特價$25有半隻雞，隻雞肥瘦適中，肉質夠滑，食落有雞味，依個價錢真係無敵。泰式鳳爪拼海蜇泰式醬汁酸辣味適中，鳳爪食落夠爽同入味，海蜇都十分爽脆，整體份量也不少，值得推介。