黑樺牛 (已結業)

見食評唔錯於是試吓⋯服務一流，有禮貌，前菜果啲都出得快，唯一唔好係Dum波鐘好勁，我應該總共落咗3次單，全部都係食牛無食其他野，但除第一次既單好快上，之後果兩次都係等勁耐，佢有記錄落單時間，睇返等咗20分鐘都唔出，但當時已經無晒客，侍應們都在慢慢執枱，但就無人上菜，要走出去催先有。其實用得靚料，做得任食，就唔好慳埋果少少，任食時間已經要扣埋食果個拼盤、小食、蒸海鮮，之後先俾人落單，仲要遲出貨，120分鐘其實無乜時間食⋯⋯不過料真係靚既，不過就無解凍，啲牛肉仲係硬的，但打邊爐就無乜所謂啦。