哥哥添飯•妹妹泡茶 (已結業)

日日搭車返屋企都會經過觀塘一間新開，而且個名號特別既餐廳【哥哥添飯妹妹泡茶】。齋聼個名真係唔知佢係食咩，原來係台灣菜！見到佢地平日夜晚有set dinner，而且價錢合理，所以就試下啦！ Dinner set—包括3個小菜同燙青菜 香烤厚豚拼滷肉飯：烤厚豚好juicy同厚肉，肥瘦適中。鹵水溏心蛋好入味。滷肉飯既滷肉唔會太肥太鹹。 滷牛肉乾拌麵：滷牛肉包括牛展同牛筋，牛展好厚同炆到好霖、牛筋都係好霖同爽口。拌麵汁係甜醬油+麻油，所以好香，但又唔會好鹹！ 小食— 玉米起司蛋餅：超級爆餡，玉米同cheese都好多，而且好新鮮！ 大腸包小腸：味道都ok，係basic大腸包小腸，但唔係太明，點解要加滷肉係上面。。。 哥哥招牌塩麴鷄（半隻）：用塩麴調味既鷄，顔色有D似白切鷄，但味又唔係好似。鷄味唔會太重，但塩麴個鹹味又可以帶出鷄肉既鮮味。而且肉質好嫩。 黑枸杞檸檬胎菊：個樣真係好靚，但味道真係好似屋企自己冲既黑枸杞胎菊水，比較偏淡，連甜味都無咩，唔係太推 特選水果玫瑰花茶：茶底好清新，唔會太甜既水果茶。水果都好多，呢款我反而幾推！ 綜合手工芋圓：裏面有珍珠、愛玉、紅豆綠豆，芋圓地瓜圓紫薯圓。可