La Vigne (已結業)

醬燒熊本牛肉粒意粉，牛肉粒口感厚身、軟腍，肉嫩多汁，油脂部份入口即化；意粉味道咸香帶甜、充滿醬油味道，口感有咬口；加入左大量洋蔥、青椒、芝麻，食落更香口。軟殼蟹南瓜蟹肉意大利飯，軟殼蟹口感酥脆厚肉，幾多蟹膏，鮮味十足；蟹肉味道鮮甜；南瓜意大利飯味道濃郁，口感軟硬適中，加入左蘆筍，口感更豐富。煙三文魚鮮果沙律，各款蔬菜、蘋果、蜜瓜味道清甜，口感爽脆, 煙三文魚味道咸鮮，配以泰式酸甜甜醬汁食用，味道更清新、開胃。羅宋湯配香草蒜蓉脆條，羅宋湯好足料，啖啖都食到雜菜，味道正宗、酸甜；香草蒜蓉脆條口感香脆，香草、蒜蓉味道都好香濃。牛奶布甸，口感滑身、綿密，牛奶味道濃厚。朱古力冬甩，冬甩口感鬆軟、唔乾，朱古力粉、朱古力醬夾心，雙重朱古力味道，味道甜而不膩。薑汁汽水2罐，薑汁味道淡香、微辣，整體味道清爽。