The Corner Coffee

营业中

休息中

今日諗住係朋友公司附近搵間餐廳hea下等佢放工，見到呢間The Corner Coffee裝修好有氣氛，小文青空間，有二手書寄賣同環保雜貨店就揀左佢。食物方面揀左澳洲和牛蜜糖芥末醬芝士漢堡配黑松露薯條。呢個配搭真係無得輸。漢堡的肉質鮮嫩多汁，搭配的蜜糖芥末醬，風味更加層次分明，增添甜辣味同香氣。芝士香味同牛嘅油脂肉香完美結合，牛味十足，麵飽鬆軟。黑松露薯條又係邪惡但好味，獨特香氣令香口薯條瞬間升級，熱辣辣又好味，真係食到停唔到。飲品就揀左手沖哥倫比亞荔枝氣泡咖啡，呢款咖啡豆經過水洗處理，帶有荔枝、蜜桃及果味香氣，滋味清新而不膩。加入氣泡都幾有驚喜，提升了整體的口感，更清爽又突出到咖啡香。