影片
更多
2024-08-02
601 浏览
話說有個friend係外國返嚟，都想搵間特別啲嘅餐廳同佢敘舊。喺OpenRice搵搵吓搵到呢間喺尖沙咀叫Library Restaurant 嘅餐廳，個位置幾近地鐵站之餘，餐廳嘅裝修都啱打卡，當然就要試吓啦。影咗幾張相俾大家睇吓餐廳嘅裝修~成個餐廳仲有分室內同室外嘅設計，室外其實個景好靚不過當日有啲熱我都係坐返入室內🤣然後一打開佢嘅餐牌就就比佢嘅酒吸引咗，竟然每一款嘅Signature Cocktail都有佢自己嘅故事，然後我哋就好有興趣咁叫咗”四大美人”同”嬋娟”。而上酒時waiter都會同你互動咁講返背後嘅典故，呢一part真係好正😆而家入主題，講返當晚食咗啲乜嘢啦~- 烤羊鞍•燴羊肩 ($308): 呢道菜其實係一道fusion菜，上面有肉質鮮嫩嘅烤羊鞍，椰菜嘅下面則是羊腩煲形式嘅燴羊肩。羊肉完全唔騷而且非常入味，而且兩種風味交替入口真係非常新奇，推薦大家試試這出色之作。- 茴香豬肉腸貓耳朵 ($168): 貓耳朵係餐廳不算普遍菜式，餐廳既烹飪方式剛剛好，麵筋爽勁彈牙，而且每個貓耳朵都有濃濃嘅醬汁覆蓋住，加上有豬肉腸同雜菜，每一啖都係滋味嘅享受。滿分推薦！- 炸薯波 ($6
喺OpenRice搵搵吓搵到呢間喺尖沙咀叫Library Restaurant 嘅餐廳，個位置幾近地鐵站之餘，餐廳嘅裝修都啱打卡，當然就要試吓啦。
影咗幾張相俾大家睇吓餐廳嘅裝修~
成個餐廳仲有分室內同室外嘅設計，室外其實個景好靚不過當日有啲熱我都係坐返入室內🤣
然後一打開佢嘅餐牌就就比佢嘅酒吸引咗，竟然每一款嘅Signature Cocktail都有佢自己嘅故事，然後我哋就好有興趣咁叫咗”四大美人”同”嬋娟”。而上酒時waiter都會同你互動咁講返背後嘅典故，呢一part真係好正😆
而家入主題，講返當晚食咗啲乜嘢啦~
- 烤羊鞍•燴羊肩 ($308): 呢道菜其實係一道fusion菜，上面有肉質鮮嫩嘅烤羊鞍，椰菜嘅下面則是羊腩煲形式嘅燴羊肩。羊肉完全唔騷而且非常入味，而且兩種風味交替入口真係非常新奇，推薦大家試試這出色之作。
- 茴香豬肉腸貓耳朵 ($168): 貓耳朵係餐廳不算普遍菜式，餐廳既烹飪方式剛剛好，麵筋爽勁彈牙，而且每個貓耳朵都有濃濃嘅醬汁覆蓋住，加上有豬肉腸同雜菜，每一啖都係滋味嘅享受。滿分推薦！
- 炸薯波 ($68): 呢度菜嚴格嚟講係一個配菜，但係份量絕對童叟無欺，而且薯波炸到金黃色外脆內軟，好味道到令人停不下口，實在令人喜出望外！
- 四大美人 ($140): 當然唔少得佢嘅signature drink，四大美人係集合咗古代四位美人嘅喜好而釀製嘅美酒，包括有葡萄、荔枝、檳榔(以一種苦酒代替)等，充滿果味而且有一絲意想不到嘅苦澀味，令人一試難忘！
- 嬋娟 ($150): 千里共嬋娟呢句話相信大家都一定有學過，而佢嘅飲品典故就更加得意(喺呢度就唔劇透)，但係佢以米酒、青蘋果同桂花做基調實在係一個好清新嘅組合，而且造型都非常用心，竟然有月球嘅效果，實在係俾咗一百分！
呢間係尖沙咀嘅餐廳實在係處處驚喜，大推大家同friend一齊試下la!!
张贴
