神經餵飼 (已結業)

文青小cafe, 坐落在太子一條街，外面的繁華跟入面的恬靜相映成一大對比。cafe全自助，自己點餐之後由店員送上。樓上雅座要除鞋，不過比較靜，如想傾計可以上去。下面的擺設都好靚，好多映相位。每日的餐單都不同，今日的主食都幾多。不過無set點，要分開叫。輕食為主，適合胃口不大的你。點完之後可以坐定定等食，順便映下相。個號碼牌又幾得意！上層都好多手作寄賣，都好有特色點菜之後過五分鐘已經有得食，定係掛住影相加上無乜人，所以好快就有得食。茶樹菇山藥肉燥飯($78)肉臊加入用牛油炒香過的茶樹菇再淋上白飯，山藥(即是淮山)對身體亦十分有益，數片也爽口，偶然清清地也不錯。鰻魚炒飯 ($85)鰻魚好多粒，惹味的鰻魚汁加入珍珠米，炒得好好食，好香。不過份量不多，男仔應該不夠食。總結，價錢較貴不過大家都係食個環境，係好休閒同文青，另好多朋友都讚甜品同蛋糕好食，下次會再黎過試下唔同的嘢。