影片
更多
2021-04-23
68 浏览
行過美孚新邨，喺上海銀行隔離見到一間文青打卡嘅咖啡店，望多兩眼個餐牌，就毫不猶豫咁樣入咗去！👍🏻榛子疏乎厘價錢合理，疏乎厘帶有空氣感同時亦有鬆軟熱香餅嘅內層。蛋味唔太重，面層舖有一粒粒榛子，但醬如果可以多一點就更完美！不過想讚一讚榛子粒粒，每一粒都炒香爆過，配落軟綿綿嘅疏乎厘口感唔錯！👍🏻Tiramisu 好靚既擺盤，每一層都用人手塔得非常工整。最底層嘅手指餅浸左好濃香嘅咖啡味，微濕，食落就唔會太乾，仲有好綿滑嘅口感，絕對值得一試！👍🏻焦糖脆脆咖啡餐廳可以免費轉脫脂奶或者燕麥奶。焦糖脆脆喺上台嘅時候已經稍微溶化，融入落咖啡度。入口唔會太甜，牛奶味唔算太重，面層有小小綿密既奶泡！👍🏻福鼎白茶食完咁多甜嘢，不如要返杯茶嘆一嘆。（其實擺明想打一打卡），白茶入口好清，無苦澀，職員仲推介我加風乾橙片，入口多咗一份清香。💡環境全木設計，感覺好舒服!另外餐廳仲有少少包點可以比顧客外賣添！
👍🏻榛子疏乎厘
價錢合理，疏乎厘帶有空氣感同時亦有鬆軟熱香餅嘅內層。蛋味唔太重，面層舖有一粒粒榛子，但醬如果可以多一點就更完美！不過想讚一讚榛子粒粒，每一粒都炒香爆過，配落軟綿綿嘅疏乎厘口感唔錯！
👍🏻Tiramisu
好靚既擺盤，每一層都用人手塔得非常工整。
最底層嘅手指餅浸左好濃香嘅咖啡味，微濕，食落就唔會太乾，仲有好綿滑嘅口感，絕對值得一試！
👍🏻焦糖脆脆咖啡
餐廳可以免費轉脫脂奶或者燕麥奶。焦糖脆脆喺上台嘅時候已經稍微溶化，融入落咖啡度。入口唔會太甜，牛奶味唔算太重，面層有小小綿密既奶泡！
👍🏻福鼎白茶
食完咁多甜嘢，不如要返杯茶嘆一嘆。（其實擺明想打一打卡），白茶入口好清，無苦澀，職員仲推介我加風乾橙片，入口多咗一份清香。
💡環境全木設計，感覺好舒服!另外餐廳仲有少少包點可以比顧客外賣添！
张贴
