影片
更多
2020-02-26
321 浏览
又到聖誕🎅🎄，又到聖誕🎅🎄，聖誕節唔一定要食聖誕大餐🍽，但一定要食吓西餐啦。上網無意發現到美孚山上有個叫饒宗頤文化館，其實又唔係真係山上嘅，由美孚地鐵站行過去都唔駛10分鐘，都唔算太遠。呢度好似中環大館咁，有唔少打卡位📸，啱晒一班文青們，影完相可以去隔離間西餐廳食個飯，咁就過咗一個下奏，好充實呀！！餐廳外牆都係紅磚，感覺好有文化氣息。😌😌店員先捧來一盤麵包🍞，啲麵包好香麥味，再搽自家製嘅黑水欖牛油，味道幾特別。先嚟兩個湯，一個係鵪鶉清湯，入面嘅法國鵪鶉肶其實好細隻，食落無咩肉，加咗紅蔥酒啫喱，成個湯都幾清幾甜；另一個係法國泥蟹湯，味道好似龍蝦湯🦞，好濃蟹味🦀，飲落去好香。頭盤揀咗香煎鵝肝配鵝肝批無花果芒果莎莎🥭，用上煎香嘅法國鵝肝，再加上凍鵝肝批，配埋酸覆甜甜嘅芒果莎莎，將鵝肝嘅油膩感消除，味道配合得相當出色。主菜係自家製意粉配蒜片辣椒🌶(紐西蘭大蜆)，啲蜆又大又鮮甜，4隻已經足以cover晒成隻碟，意粉煙韌彈牙🍝，配上辣椒、香草、同蒜片🧄，食落又香又辣，不過食到尾都真係幾辣下！🥵(利申😜：本人唔係好食得辣)另一個主菜係烤西班牙乳豬🐖配蘋果醋燴紅椰菜，印尼燒烤汁。記得以前喺西班牙食過當
又到聖誕🎅🎄，又到聖誕🎅🎄，聖誕節唔一定要食聖誕大餐🍽，但一定要食吓西餐啦。上網無意發現到美孚山上有個叫饒宗頤文化館，其實又唔係真係山上嘅，由美孚地鐵站行過去都唔駛10分鐘，都唔算太遠。呢度好似中環大館咁，有唔少打卡位📸，啱晒一班文青們，影完相可以去隔離間西餐廳食個飯，咁就過咗一個下奏，好充實呀！！
餐廳外牆都係紅磚，感覺好有文化氣息。😌😌
店員先捧來一盤麵包🍞，啲麵包好香麥味，再搽自家製嘅黑水欖牛油，味道幾特別。
先嚟兩個湯，一個係鵪鶉清湯，入面嘅法國鵪鶉肶其實好細隻，食落無咩肉，加咗紅蔥酒啫喱，成個湯都幾清幾甜；另一個係法國泥蟹湯，味道好似龍蝦湯🦞，好濃蟹味🦀，飲落去好香。
頭盤揀咗香煎鵝肝配鵝肝批無花果芒果莎莎🥭，用上煎香嘅法國鵝肝，再加上凍鵝肝批，配埋酸覆甜甜嘅芒果莎莎，將鵝肝嘅油膩感消除，味道配合得相當出色。
主菜係自家製意粉配蒜片辣椒🌶(紐西蘭大蜆)，啲蜆又大又鮮甜，4隻已經足以cover晒成隻碟，意粉煙韌彈牙🍝，配上辣椒、香草、同蒜片🧄，食落又香又辣，不過食到尾都真係幾辣下！🥵(利申😜：本人唔係好食得辣)
另一個主菜係烤西班牙乳豬🐖配蘋果醋燴紅椰菜，印尼燒烤汁。記得以前喺西班牙食過當地嘅黑毛豬🐖，啲肉質真係特別嫩滑，個皮烤到啱啱好，脆脆哋又唔會韌，點少少芥末汁同印尼燒烤汁，味道都唔錯。食少蘋果醋燴紅椰菜仲可以消膩添。
21 浏览
0 赞好
0 留言
最後店員介紹我哋食阿拉斯加焗雪山🏔做甜品，呢個係佢哋嘅招牌甜品，果然名不虛傳，店員喺我哋面前點火♨️，火焰瞬間焦到啲cream金黃色，入面係芒果雪糕同埋麵包，暖暖嘅cream再加上凍冷冷嘅雪糕同麵包一齊食，多從口感，絕對值得一試！
张贴
