影片
更多
2019-10-29
40 浏览
2019年10月25日 星期六今日難得係香港大學附近做完嘢，見時間只不過係4:00左右，就係大學附近周圍行吓，因為自從讀完書之後都冇乜機會嚟過呢度附近，好多鋪頭都已經變咗。行行吓突然行到呢間鋪頭，俾佢個名吸引住，叫dreamer cafe，相信係追尋夢想嘅人開設既，突然又覺得想食下野，於是就入左去一行入去要首先點餐先，點餐嘅位置放咗凍櫃，裡面有好精美既蛋糕同飲品，即刻已經好想食再睇返餐牌，發現原來除咗甜品之外，仲可以叫其他正餐，店員推介我食意粉，不過只係想食甜品，所以叫咗一件蛋糕加一杯嘢飲點完餐就自己搵位坐，發現裏面嘅裝修好簡單，好有文清嘅氣息，我最鍾意牆上面嗰段文字，叫人去努力追求夢想等左一陣蛋糕就送到，係朱古力蛋糕，側邊仲有朱古力醬添，食落去好重朱古力味，蛋糕係好鬆軟嘅，食得出一層層嘅感覺飲品方面我叫咗一杯有汽Lemonade，充滿檸檬味，感覺好清新能夠係平日都可以咁休閒食蛋糕放空一下，真係好難得
今日難得係香港大學附近做完嘢，見時間只不過係4:00左右，就係大學附近周圍行吓，因為自從讀完書之後都冇乜機會嚟過呢度附近，好多鋪頭都已經變咗。
行行吓突然行到呢間鋪頭，俾佢個名吸引住，叫dreamer cafe，相信係追尋夢想嘅人開設既，突然又覺得想食下野，於是就入左去
一行入去要首先點餐先，點餐嘅位置放咗凍櫃，裡面有好精美既蛋糕同飲品，即刻已經好想食
再睇返餐牌，發現原來除咗甜品之外，仲可以叫其他正餐，店員推介我食意粉，不過只係想食甜品，所以叫咗一件蛋糕加一杯嘢飲
點完餐就自己搵位坐，發現裏面嘅裝修好簡單，好有文清嘅氣息，我最鍾意牆上面嗰段文字，叫人去努力追求夢想
等左一陣蛋糕就送到，係朱古力蛋糕，側邊仲有朱古力醬添，食落去好重朱古力味，蛋糕係好鬆軟嘅，食得出一層層嘅感覺
飲品方面我叫咗一杯有汽Lemonade，充滿檸檬味，感覺好清新
能夠係平日都可以咁休閒食蛋糕放空一下，真係好難得
张贴
