四季文昌 (已結業)

今日約了舊同事食飯，佢地揀左打邊邊，位置係太子既四季文昌，聽個店名都夠文青，但竟然係打邊邊，入到店內，真係約以為自己去錯地方，同平時去開打邊邊既地方好唔同，確實係有書卷味道既餐廳，有趣有趣裝修好靚，坐位都好舒服，加上最愛冇限時既餐廳，可以慢慢食，慢慢傾我地5個人點左4人份量竹生椰子雞套餐，套餐都算幾多野食，有刺生，有1隻雞，肥牛，海鮮....等等......等左一陣，食物黎到放左雞件落椰子湯度，等漏斗流完就可以食得嘩嘩嘩，一開蓋，勁香椰子香飄埋黎，我地更係先試湯底啦，勁鮮甜，好潤唔洗點醬油都好好食5人食4人套餐都已經夠晒，我地冇加任何野，已經捧住肚走了