影片
更多
2021-01-27
44 浏览
咁岩今日行經k11 musea，果然係一個酒店級既商場，理論上入面既餐廳都唔差得去邊，之前試過同一商場既西班牙菜，冇令人失望，唔知今次呢間東南亞餐廳係咪一樣呢。先叫左個文華海南雞飯lunch set ，叫得文華雞飯就應該有酒店級水準甚至以上。成個套餐有雞件、油飯、雞湯、再跟一杯熱飲。逐一點評，雞件份量十足，有兩排，全去骨，配上碟旁三種醬汁，好好食😋😋。雞肉夠滑又有味，配上東南亞必備醬汁，風味出晒黎！雞湯清淡又舒服，抵讚既係加入左小量炸蒜，令個湯既口感增益不少。最後登場既雞油飯係今個套餐既靈魂，雞油飯食落煙un 有口感，配上淡淡香味唔油膩，一啖雞一啖飯真係十分滿足🥰🥰。之後，叫到好多人叫佢既喇沙，決定跟大隊試一試，叫個大蝦喇沙。果然與別不同，喇沙湯底超濃郁，配上豆卜、雞蛋、魚片同埋吸汁既芽菜，一流！大蝦夠晒大隻，又彈牙，唔掛知得每台客人都叫佢啦。意猶未盡，決定追加一個小食，酸辣醬雞柳。雞柳炸到好香脆，雞柳大件，配上泰式酸辣醬，成件事平衡晒，又唔會太油膩，又把食物提升不同層次。食落啖啖肉，十分滋味同過癮。最後，飲品方面，店員推介無糖蘋果茶。茶包黎自公平點，聞落清新蘋果香味，飲落又唔甜，有淡
先叫左個文華海南雞飯lunch set ，叫得文華雞飯就應該有酒店級水準甚至以上。成個套餐有雞件、油飯、雞湯、再跟一杯熱飲。逐一點評，雞件份量十足，有兩排，全去骨，配上碟旁三種醬汁，好好食😋😋。雞肉夠滑又有味，配上東南亞必備醬汁，風味出晒黎！雞湯清淡又舒服，抵讚既係加入左小量炸蒜，令個湯既口感增益不少。最後登場既雞油飯係今個套餐既靈魂，雞油飯食落煙un 有口感，配上淡淡香味唔油膩，一啖雞一啖飯真係十分滿足🥰🥰。
之後，叫到好多人叫佢既喇沙，決定跟大隊試一試，叫個大蝦喇沙。果然與別不同，喇沙湯底超濃郁，配上豆卜、雞蛋、魚片同埋吸汁既芽菜，一流！大蝦夠晒大隻，又彈牙，唔掛知得每台客人都叫佢啦。
意猶未盡，決定追加一個小食，酸辣醬雞柳。雞柳炸到好香脆，雞柳大件，配上泰式酸辣醬，成件事平衡晒，又唔會太油膩，又把食物提升不同層次。食落啖啖肉，十分滋味同過癮。
最後，飲品方面，店員推介無糖蘋果茶。茶包黎自公平點，聞落清新蘋果香味，飲落又唔甜，有淡淡茶香，絕對係一餐飯後佳品。另外，再叫多個雪糕豆漿紅豆冰視為今餐既甜品，因為太飽太豐富，所以唔再叫甜品了。用上雲呢拿雪糕做第一層，中間就係充滿豆味嘅豆漿，底層係煲到軟淋既紅豆。無論兒童或成人，見到都會忍唔住飲一啖既飲品。😃😃
张贴
