影片
更多
2011-10-06
29 浏览
女友生日想食一餐法國餐，喺報紙見到有呢間餐廳個大廚嘅訪問，見D菜色幾吸引，於是一早打電話BOOK定枱(好彩有BOOK枱，因為嗰晚滿座)，入到去坐底樣樣都想食，不過眼闊肚窄諗唔到叫咩好，侍應介紹我地試下個Tasting Menu，話可以試唔同口味，一於就呢個啦!個賣相已經令人食指大動，個煙鴨胸鵝肝卷D鵝肝入口即溶，旁邊嘅配菜都好爽口海膽波菜意大利雲吞，入口好香鴨肉鵝軍磨菇凍批，大廚將鴨同鵝再一次完美結合牛肝菌野雞卷，火侯控制得幾好(之前喺其他餐廳食過D雞肉"鞋"到死)呢個係女朋友ORDER嘅，試左一粒，粒帶子幾爽甜品，我女朋友極愛食法式焦糖燉蛋，於是BOOK枱嘅時候一早留定，招牌菜果然冇令我地失望，我同女友食過好多間法國餐廳嘅焦糖燉蛋(最誇張嗰次去左上海世博個法國館食米芝蓮大廚整嘅)，呢個我唔敢話完美，但我都俾99分佢，上黎嘅朋友必定要試下。旁邊嗰個係紅豆奶凍，之前未試過幾特別心太軟，一切開朱古力慢慢溶出黎，正!!!!!一間好餐廳除左食物質數要高之外，仲有嘅就係服務態度要好，連D細微位都照顧到，James' Kitchen上熱葷會用隻暖暖地嘅碟，上冷盤會用一隻雪凍左嘅碟，侍應加水同收碟嗰
個賣相已經令人食指大動，個煙鴨胸鵝肝卷D鵝肝入口即溶，旁邊嘅配菜都好爽口
海膽波菜意大利雲吞，入口好香
鴨肉鵝軍磨菇凍批，大廚將鴨同鵝再一次完美結合
牛肝菌野雞卷，火侯控制得幾好(之前喺其他餐廳食過D雞肉"鞋"到死)
呢個係女朋友ORDER嘅，試左一粒，粒帶子幾爽
甜品，我女朋友極愛食法式焦糖燉蛋，於是BOOK枱嘅時候一早留定，招牌菜果然冇令我地失望，我同女友食過好多間法國餐廳嘅焦糖燉蛋(最誇張嗰次去左上海世博個法國館食米芝蓮大廚整嘅)，呢個我唔敢話完美，但我都俾99分佢，上黎嘅朋友必定要試下。旁邊嗰個係紅豆奶凍，之前未試過幾特別
心太軟，一切開朱古力慢慢溶出黎，正!!!!!一間好餐廳除左食物質數要高之外，仲有嘅就係服務態度要好，連D細微位都照顧到，James' Kitchen上熱葷會用隻暖暖地嘅碟，上冷盤會用一隻雪凍左嘅碟，侍應加水同收碟嗰陣都會問一問你，就係以上呢幾點令到一個唔寫食評嘅人都忍唔住要寫出黎""表揚""下!
张贴
