PAUL LAFAYET (時代廣場)

月初收到數碼通傳來一封溫馨短訊，祝賀XO仔壽辰，並送上名店「Paul Lafayet」o既「法式焦糖燉蛋」作生日禮物，簡直係暖意在心頭！

4

數碼通為特選客戶送上生日禮物「Paul Lafayet法式焦糖燉蛋」

週六下午前往「Paul Lafayet」於銅鑼灣時代廣場地庫o既分店，不用多費唇舌，簡單向靚女店員出示訊息，即可免費享用現場燒製o既迷你版「法式焦糖燉蛋」。

1

法式焦糖燉蛋

因店子為外賣店，未有設置座位，生日甜品都有個禮盒包裝，的骰精緻。

1

法式焦糖燉蛋

小盒內附膠羮，行過去美食廣場搵到個靚位坐就可以慢慢嘆。

1

法式焦糖燉蛋

「法式焦糖燉蛋」即燒o既焦糖面極為卜卜脆，燉蛋則軟滑甜美，迷你版雖看似份量唔多，其實做下午茶或飯後甜品剛剛好，一啲都唔溜滯。食完仲可以留起個小陶瓷盤作紀念或喺屋企自用。

1

法式焦糖燉蛋

感激數碼通為XO仔今年生月送上如此甜心暖意，「Paul Lafayet」o既「法式焦糖燉蛋」實在美味可口！