金記冰室 (數碼港商場)

营业中

休息中

炎炎夏日，最好離開市區，今日就去咗數碼港玩，臨走之前就去咗金記食晚餐。金記間間餐廳質素都保持到水準，而且價錢又唔貴，所以喺冇乜嘢食嘅數碼港絕對係 一個好選擇。我同朋友一人叫咗一個晚餐，分別係煎封黃花魚同四川重慶口水雞。餐廳用QR code落單，感覺方便而且一目了然。晚餐每人都有一個老火湯，嘢食未嚟之前可以開一開胃食住先。黃花魚煎得非常之香脆，甚至魚尾都可以食得，同時魚肉就仍然鮮嫩軟熟，亦都唔會太乾。口水雞有冇想像中咁辣，啱啱好刺激到味蕾又醒胃，適合鍾意食辣但係又唔敢食太辣嘅朋友。我哋另外叫咗碟菜心，非常鮮嫩翠綠。飲品方面我哋叫咗佢哋出名嘅冰鎮奶茶，茶味好濃，非常醒神。朋友就叫咗杯檸檬茶。