點心到 (廟街)

营业中

休息中

星期日嘅下午本來想去隔離嘅Cafe，點知無謂又要排長龍，之後喺佐敦行吓行吓就見到隔幾個鋪位有間食點心，見到佢開咗冇幾耐就想試吓。環境幾舒服，又有音樂環境又OK。入到嚟張Menu設計得幾好，整體好舒服，之後就叫咗幾個王牌嚟試吓。第一樣，茄子，入口有驚喜，外脆內軟入口爆汁，唔錯。第二樣，香辣排骨飯個飯粒粒分明煙靭，唔使撈豉油已經好夠味，又夠香，鍾意食佢嗰啲。第三樣，金錢肚就麻麻哋，入口唔係好爽，林身到爛，麻麻哋，下次唔會想試。第四樣,鵪鶉蛋燒賣，整體個燒賣質感都OK，但係味道比起傳統燒賣就淡咗啲，但係鵪鶉蛋就超爽彈牙，比分就俾一半多少少唔係太有驚喜。最後就試埋個榴槤甜品，榴槤送上嚟嘅時候外貌幾吸引，外型顏色有幾靚，榴槤外皮夠煙韌，大大粒，下次都想再嗌榴槤甜品。整體上第一次光顧環境整體味道都OK，下次再試吓其他嘢食。