影片
更多
2021-09-30
95 浏览
以下為無食物評論既投訴文。.Sensu開係荃灣既大商場入面，一開始認識呢間餐廳係因為佢既花藝打卡佈置同佢門口做生招牌既英式下午茶架餐牌。整體格局似收費不菲，加上鍾意打卡既朋友唔多未有機會試下佢主打既港女風Tea Set，所以一路無放到佢入“To go list”。機緣巧合，係附近睇夜場有進餐時間限制，剛好周圍既餐廳都人滿為患，見呢到有最後一張二人檯所以不假思索坐底試一次。.不得不讚佢裝修花左唔少心思，餐廳正中心有棵好靚好搶眼既藍色樹，四周圍都係藍海花藝裝飾，有吧檯區域亦有風格不同既VIP小分區，不過趕時間我都無深究點先有資格入去VIP區進餐。.電話登記做佢地免費會員可以用會員價點佢地既晚市二人餐，套餐價錢唔算貴食物選擇都好多，無懸念直接叫餐唔駛諗。.但今次正題唔係食物而係餐廳服務。最近都算幫襯過好多餐廳，呢間都算係近期遇過服務水平比較低既一間，仲要係唔止一個服務員出現問題。連同行者都提議如果會寫食評，必須要先提出呢一點。.事情係，首先當某男服務員知道我地未做會員但想叫二人晚市套餐，即時面露不悅一臉極不耐煩表情，指出要先做會員才可以點餐，然後隨手指一指檯上面既QR code就即時轉身離開
.
Sensu開係荃灣既大商場入面，一開始認識呢間餐廳係因為佢既花藝打卡佈置同佢門口做生招牌既英式下午茶架餐牌。整體格局似收費不菲，加上鍾意打卡既朋友唔多未有機會試下佢主打既港女風Tea Set，所以一路無放到佢入“To go list”。機緣巧合，係附近睇夜場有進餐時間限制，剛好周圍既餐廳都人滿為患，見呢到有最後一張二人檯所以不假思索坐底試一次。
.
不得不讚佢裝修花左唔少心思，餐廳正中心有棵好靚好搶眼既藍色樹，四周圍都係藍海花藝裝飾，有吧檯區域亦有風格不同既VIP小分區，不過趕時間我都無深究點先有資格入去VIP區進餐。
.
電話登記做佢地免費會員可以用會員價點佢地既晚市二人餐，套餐價錢唔算貴食物選擇都好多，無懸念直接叫餐唔駛諗。
.
但今次正題唔係食物而係餐廳服務。最近都算幫襯過好多餐廳，呢間都算係近期遇過服務水平比較低既一間，仲要係唔止一個服務員出現問題。連同行者都提議如果會寫食評，必須要先提出呢一點。
.
事情係，首先當某男服務員知道我地未做會員但想叫二人晚市套餐，即時面露不悅一臉極不耐煩表情，指出要先做會員才可以點餐，然後隨手指一指檯上面既QR code就即時轉身離開。其實作為第一次光顧既客人，就算知道要做會員先可以用會員價惠顧套餐，但都唔會預料到唔先搞掂個會員係連用正價點餐既權利都無 (套餐明明有寫正價同會員價)。其次係，客人有唔明白既地方，大可以俾番多少笑容解釋一下，我地唔係嘈其實唔駛咁既態度既。到用餐途中有加單，另一位女服務員可以係我地揮左幾次手係面前經過都當睇唔到，到終於見到我地再聽取我地要求後，無禮貌連簡單回應一聲都無，目無表情直接走開 (雖然最後證實佢係有接收到我地要求，只係無俾反應)。其後再叫另一位女服務幫手催主食單時，今次呢位服務員雖然有笑容簡單回應一句 - 幫你睇下，不過離開後就一路都無再出現過交帶番進度，要直到再過5分鐘個主菜先終於出現。面對接二連三既不快經歷，真係裝修幾靚食物出品幾好都補夠唔番。
.
總結：睇番其他食評原來唔止我一個遇到同類情況，特別係要先做妥會員先可以點餐呢個安排，新食客唔清楚好似變左係我地係製造麻煩者。從來無出過服務既投訴文今次破例一次。打左咁多字其實都無心機再打食評，只能夠直接總結，佢晚市套餐入面既野食同份量係全部都係交足貨，質素仲有少少喜出望外。但因為整個用餐體驗唔好，所以係硬件同食物都交到功課情況底下，都只會一次唔會再去。
.
不專業食評 nei.foodie
张贴
