友誼泰國菜館 (已結業)

去完南南丫之後, 去了九龍城食泰國嘢, 呢間泰國菜館係家姐個朋友話好味的, 訂左7:30, 地方好細的, 好彩訂左, 唔係都冇位.看了一輪餐牌後, 叫左泰式生蝦, 有八隻架, 都大隻的, 要跟蒜片及加埋特色的醬汁一齊食, 先惹味及去腥的, 個醬汁好辣, 生蝦都幾新鮮的呀, 好味.炸蝦餅, 六件已切開了一半的, 熱辣辣架, 好香脆, 又彈牙, 好味的呀.叫左椰青, 好大隻的泰式炒金邊粉, 炒得好乾身呀, 酸酸甜甜咁, 都有芽菜, 雞蛋絲, 蝦, 花生碎等, 好味呀, 好開胃的.炒通菜, 呢個菜本來我們是叫芥蘭的, 不過應該落錯單, 見到賣相都好吸引, 所以都冇換到, 幾香, 入味, 少少辣的呀, 好味.姨甥仔叫左一杯芒果汁, 好大杯, 同埋好似沙冰咁, 佢話好好味又夠晒凍呀.檸檬牛肉, 呢個菜唔係度度都食到, 我都係第一次食炸, 好香口, 好好味喎, 牛肉半熟的狀態, 上面好多蒜粒, 有些辣椒粒, 入口好多肉汁, 唔好鞋, 唔會硬, 好淋身, 好味喎. 份量都算幾多的.　黃咖喱都好大份的, 個咖喱帶甜的, 雞肉都好滑身, 好多洋蔥, 薯仔, 青椒等, 個汁可以用嚟送飯, 送包. 蒜蓉包,