Crostini Bakery & Cafe (已結業)

今日係銅鑼灣整完野，又未食Lunch，所以行行下亂入左呢到。平日2點幾人流一般，座位都好舒服闊落，好適合慢慢坐底休息下或者消磨時間。雖然見到意粉好似幾吸引，但因為唔餓，所以就叫了包類。煙三文魚芝士牛角包$75 轉麥包因為晚上個餐會出街食，唔想咁罪惡，所以牛角包轉做麥包。咖啡凍飲+$10 要了薄荷朱古力咖啡個包都幾大份，而旁邊我薯角唔係香脆身個隻，唔係油炸，似煎或者焗既著角，都好味👍煙三文魚量都算多，每邊都有3~4片，食落夠口感，啖啖煙三文魚。不過個麥包唔太岩我好味，麵邊脆身，包面應該係無烘烤，但好乾身，所以只係吃了幾啖，然後只係吃中間的煙三文魚，芝士及沙律菜，反正不是很肚餓。然後杯凍薄荷朱古力咖啡，好香朱古力及咖啡味，但無乜薄荷味。整體一般般，但下次都會試多次其他款式。