好燒味 (已結業)

想喺中環食餐平價lunch都唔容易，今日就比我搵到一間快靚正燒味店。 其實個位置好唔顯眼，真係唔講都唔知有呢間野。 店舖係用肥豬仔同粉藍色做招牌，幾得意，好吸睛。 Menu亦有中有英，啱哂喺中環返工既外藉人士。嗰度仲有飲品可以選購，唔貴。 我揀左302: 慢煮叉燒+脆皮燒腩仔+貴妃雞 $48(試業價) 買完隨即去左公園仔度食，打開見到有獨立包裝燒味汁，芥末同薑蓉，飯盒係以紙盒裝，既環保又新穎。 慢煮叉燒望落淡紅色，比較軟身，肥瘦度適中，食落味道幾甜，而燒腩仔小小脆，可能焗左一段時間，如果即食應該會更加脆，食落口啖啖肉，貴妃雞肉質嫩滑，唔多油，點埋薑蓉更加惹味。飯份量不算太多，不過都夠一個女仔食，飯粒質地軟熟，落左燒味汁都幾香，可以自己選擇落幾多汁，而且冇豉油感覺上健康d。 飯盒最平$36已經有一個，以中環lunch黎講算係平。