The BASE (已結業)

香港近期好似興起左一波café既潮流，環顧周邊多左好多café類型餐廳，剛開業既the Base都係其中一份子，感覺到佢地想做好餐廳嗰份熱誠。餐牌菜式亦都唔少，本身都唔太餓決定點vegetable+main course同一杯drink就夠啦。芝士焗番茄莎莎大啡菇面頭大量香草配上芝士，香濃得來唔會好膩口，而且本身有番茄醬，少少酸味令到有開胃效果，另外大啡菇亦非常濕潤，很好！慢煮澳洲草飼和牛西冷M2-3牛肉揀左3成熟，但都唔會有血水，反而肉汁多，應該同煮法有關係，而且帶有適量肥肉，口感方面亦都唔會太韌。醬料味道是少量芥末味，較多沙律味，點少少同牛肉一齊食可以更帶出牛肉味道。配菜有筍，薯角，鮑魚菇，番茄，冬菇等等...飲品就叫左泰式奶茶，同一般港式奶茶唔同，茶香同帶一點點類似雲尼拿既香味，泰色奶茶講求茶味奶味甜味同樣強烈，另有一番風味而且很不錯！