Concept 品穀

营业中

休息中

last day買散水餅，想買得好好睇睇唔失禮，個樣靚，又要好食，仲要就啱時間送貨，所以都諗咗好耐。品穀平時麵包出名有保證，見佢啲西餅好似都幾靚，所以專登試吓，試食過覺得都真係唔錯，同佢啲麵包一樣有水準。雖然都唔平，同好多酒店或者名牌嘅價錢都有啲相近，但係最後都決定買呢間。當日GoGoVan 8:30送貨，店員講到明12點前嘅訂單，啲蛋糕係前一日整定，但係好難搵到啲咁早可以送到貨嘅舖頭，所以我都冇乜所謂，我相信佢哋都會保存得好好。重點係嚟到嘅時候，個包裝都好靚，啲蛋糕又唔會亂咁放，排得好靚。我買咗四盒，我專登講到明，啲蛋糕同一款唔好放埋一齊，要分開放唔同盒，佢哋都放得好好有用過心機。未到方便我食過朱古力嗰隻，我覺得太甜太漏，但係我相信如果好鍾意食朱古力嘅人應該會覺得好正。另外我食咗一個杯嗰隻，嗰隻係咖啡，我覺得呢個好好味，唔會好甜，有啲似Tiramisu，個外型又好吸引。呢兩款大概係$50 ，有啲細啲嘅撻就30幾蚊。細嗰啲撻我冇試過，但係我啲同事話好好味。