鮮道樂 (已結業)

元朗依間放題近日都幾出名，出名貴😂我同朋友食量唔大，所以一直都未有衝動去試，直到見到有啲人話佢有得散叫，我哋就一於去試下。平日唔算多人，地方都幾大同舒適，佢係西菁街個頭，叫咗入入地都叫搵下。我哋嗌咗半打法國蠔，都幾嫩滑同埋冇腥味，加埋檸檬汁同有黑椒嘅醬食。再嗌咗珍寶赤蝦，肉質黏口而且有口感，肉身夠厚。之後嗌咗原條燒喜之次，夠大條，份量夠，外面燒得微脆，肉質唔會冧。燒牛舌一嗌就係兩串，大大件有肉汁流出嚟，有脂香。