影片
更多
2010-07-05
166 浏览
從加州紅到季季紅, 那個位置從來都是人來人往, 看得出老闆是有心攪大, 店子新開在原來的加州紅, 兩層的酒樓, 古式的裝修, 以前的荃灣從不缺大酒樓, 現在的荃灣想搵間兩層的酒樓都難, 荃灣一向是新舊交替區, 老一輩每朝飲茶已是習慣, 看來店子是看中了這個市場才來荃灣大展拳腳今天是『四老雀局日』, 我跟老婆是下人, 激戰過後, 是開餐既時候, 七點去到, 門口已經大排長龍, 歸根究底, 除了新屎坑, 應該是因為現在有的特價餐, 一圍十二位有魚蝦蟹雞乳豬扇貝都只係$888, 係邊度搵? 雖然weekend要加服務費$300, 但計埋都仲平過其他酒樓, 還好昨天已book位, 不然今日真的對不起四老今天數埋都只得九位, 食不到十二人餐, 所以叫了半席再另加一個餸以下是半席魚蝦蟹九大簋內容:紅瑞乳香豬: 原本一圍才有半隻, 所以我地半圍只有例牌, 例牌也不算少, 應該比1/4多, 乳豬不愧為招牌, 皮脆肉嫩, 難得的是皮跟肉不會天一半地一半, 我覺得黐少少肉的乳豬才好食, 要挑剔的是來到已經不是很熱, 無法, 因為我地唔係要一隻, 例牌的算是不錯了另外提一提大家, 另一個餐的是蝦禾米乳香豬,
今天是『四老雀局日』, 我跟老婆是下人, 激戰過後, 是開餐既時候, 七點去到, 門口已經大排長龍, 歸根究底, 除了新屎坑, 應該是因為現在有的特價餐, 一圍十二位有魚蝦蟹雞乳豬扇貝都只係$888, 係邊度搵? 雖然weekend要加服務費$300, 但計埋都仲平過其他酒樓, 還好昨天已book位, 不然今日真的對不起四老
今天數埋都只得九位, 食不到十二人餐, 所以叫了半席再另加一個餸
以下是半席魚蝦蟹九大簋內容:
紅瑞乳香豬: 原本一圍才有半隻, 所以我地半圍只有例牌, 例牌也不算少, 應該比1/4多, 乳豬不愧為招牌, 皮脆肉嫩, 難得的是皮跟肉不會天一半地一半, 我覺得黐少少肉的乳豬才好食, 要挑剔的是來到已經不是很熱, 無法, 因為我地唔係要一隻, 例牌的算是不錯了
另外提一提大家, 另一個餐的是蝦禾米乳香豬, 那句slogan『真的出爐了, 假的不吃了, 真的正乳豬, 吃了忘不了』大玩『志雲大師』, 此豬應該不能要半隻, 因為我地見到隔離檯既係全隻推到埋黎, 部長先即場幫你切豬, 所謂既蝦禾米乳香豬, 餐牌上介紹係乳豬底下放左蝦米炒飯, 咁樣豬油同肉香就會浸左落去, 如果我無睇錯, 那應該是光皮乳豬, 並不同我地食既脆皮乳豬, 光皮乳豬無放得咁耐, 即燒即食最好, 睇到隔離檯既賣相已經非常吸引, 下次有機會, 一定要湊夠十二個試一試
豬肺頂蝴蝶腩燉菜膽: 這個湯真不錯, 無味精之餘豬肺味夠, 菜膽中和了油膩, 而且無煲爛, 放湯食依然好味, 看來這個也是招牌菜之一
香脆黃金蝦: 平心而論, 這裡的海鮮真的不行, 先講這黃金蝦, 表面既鹹蛋黃有怪味, 莫非是蘇丹紅? 蝦更是霉蝦, 雖已心中有數黃金蝦的不會是靚蝦, 但沒想過會這樣差, 蝦沒蝦味不在講, 很多隻蝦蝦殼是非常黐肉的, 如果你蒙住我對眼, 我諗我未必知道我係食緊黃金蝦
金銀蒜粉絲蒸元貝: 這一味是海鮮類唯一合格的, 扇貝不算細隻, 起內臟再蒸, 時間不多不少, 元貝爽口, 粉絲更是盡吸精華
薑蔥炒蟹: 可選薑蔥炒或避風塘炒, 因為怕老人家食唔到辣, 所以叫左薑蔥, 留意份量有好大問題, 原本一圍應是三隻, 但半圍係只得一隻, 雖則話無可能人地斬一半俾你炒, 但咁樣少左半隻而個價錢仲要貴左, 心中始終不是味兒...
炒蟹是比黃金蝦出色, 但也只是一般貨色, 師傅看來很趕時間, 炒完一pat野咁就上碟, 蟹不算大隻, 殼異常地脆身, 用口都輕易咬得開, 蟹肉尚算鮮甜, 反而配菜薑蔥很入味, 又是典型的配菜比主菜出色
奇妙醬蒸烏頭: 原本兩條, 半席只得一條, 魚都係開邊蒸, 都算幾得意, 奇妙醬果真奇妙, 原來係類似酸梅醬, 烏頭尚算滑溜, 可惜酸梅醬奇酸, 好像食緊話梅一樣, 浪費了好好的一條烏頭, 那個份量, 蒸兩條烏頭也可能嫌多, 更何況是蒸一條?
木耳蠔鬆炆客家鮮腩肉: 腩肉很腍, 也炆得入味, 而且份量不少, 六人絕對夠有餘, 味菜木耳也不錯, 汁夠濃, 不過唔係好搵到蠔鬆, 莫非蠔油當蠔鬆?
什菌浸時蔬: 什菌很新鮮, 鮮冬菇尤其鮮甜, 有少許上湯但不是很濃, 時蔬其實也是什菜, 不是獨沽一味一種菜
果場豉油雞: 半席是足半隻, 雞真的不錯, 雞皮下的油份不多, 雞皮嫩滑, 雞肉竟有雞味, 吃起來不似冰鮮雞, 豉油不似老抽, 其實我比較喜歡生抽多於老抽, 老抽味道太強, 生抽才吃到雞的鮮味
因為九人吃六人餐, 所以叫多左一客麻婆豆腐, 豆腐很滑, 雖然看到有辣椒, 可惜一點不辣, 完全不能稱之為麻婆豆腐, 用來撈飯更嫌不夠味
標題既然是『敗筆在服務』, 當然要提一提服務如何
人手嚴重不足, 可能老闆也沒想過會如此爆滿吧, 經常看到侍應手忙腳亂, 甚至客人叫極都無人理...
碗碟超油, 照理新開張, 碗碟應該不會這樣吧? 看來也是因為人客太多, 連洗碗也應付不來...
新手問題嚴重, 埋單問『有乜信用咭有優惠?』, 『我幫你問下』, 但最後都係無答我, 『呢度有咩炒飯?』, 我看完餐牌都搵唔到有炒飯, 一問之下侍應+部長搵左成個字都答我唔到, 最後唯有叫白飯, 呢d問題我相信大部客人都會問, 睇黎大家都要惡補下
埋單竟然要等幾個字, 見到隔離檯果個埋單埋到火滾我都係第一次見, 部長同我地講, 收銀system壞左, 要人手計, 走時留意下, 原來收銀得一個人, 唔怪得咁慢啦...
這個六人餐份量一點都不少, 再加一個餸九人食是剛剛好, 埋單除番每人都唔駛$100, 星期日黎講算是很相宜, 味道除海鮮外其實不錯, 但服務真是敗筆, 希望過多一排人手熟習左會好d, 我諗我會俾多一次機會佢, 試埋個蝦禾米乳香豬
张贴
