約朋友聚會成日諗唔到食咩好？唔使煩啦，日式放題就最穩陣！極尚大喜屋一直都係我聚會餐廳名單頭三甲，地方大又光猛，坐得舒服，食物選擇夠多，最啱大家口味唔同嘅時候一齊嚟開餐！
刺身部分當然唔少得！厚切三文魚油潤肥美，入口即溶，油甘魚新鮮爽口，甜蝦鮮甜彈牙，原隻粒貝好爽口，每次開餐都一定要叫返幾碟先開心！
1
創意壽司方面選擇超多，款款都有驚喜！焦糖鵝肝壽司入口即溶，焦糖微甜配鵝肝嘅油香，真係一食愛上；海膽三色中餅賣相靚又足料，海膽控必試！
龍蝦沙律大蝦巴爽彈又有龍蝦香，食完即刻加單！
熟食方面款款都唔失禮，牛油大蜆肉厚鮮甜，牛油香味超誘人，
黑椒薯仔牛柳粒惹味又香口，牛柳夠嫩滑。
紅燒鮑魚飯鮑魚Q彈，飯粒掛滿香濃燒汁，好惹味！
金湯花膠湯底香滑，花膠爽口滋補，
鵝肝多士脆卜卜，鵝肝香滑邪惡又滿足。
最後仲有鮑魚蟹黃粥，蟹黃香濃，粥底綿滑，超暖胃！
鍾意食榴槤嘅記得唔好錯過呢度嘅燒金枕頭，香甜軟腍，任叫任食！
講到甜品就不得不提呢度任食日本Haagen-Dazs雪糕，出面新款麻糬特別版呢到都有，雪糕控嚟到絕對唔想走。食完鹹嘢食返幾杯真係完美收尾！
1
