御滿屋日本料理

营业中

休息中

朋友問今晚去邊度食放題，我就提議「御滿屋」環境地方好大，好多位，入門口第一見到自助區，食物種類都好多，沙律吧、前菜、炸物小食都有，仲有爆谷機。分好曬一個個區域飲品，甜品及清酒梅酒自助區，乾淨整齊。點餐方面都係用qr code 掃碼然後線上落單，當晚我地係晚上6點半後入座2小時，$295連加一有77品選擇，壽司刺身就基本啦，仲有好多串燒，炸物，中式菜，壽喜燒，鐵板燒，竹笙瑤柱蟹肉翅都有，而且食物質素都唔錯，性價比真係幾高。我個人特別鍾意既三款心水食物～各類刺身 種類繁多又夠曬新鮮！而且上菜速度都超快。～椰汁流心球 未見過呢款嘢事所以叫黎試下，一咬落去即刻有啲椰汁流出，超好味😋～鹽燒牛舌 基本上食親放題我都會食牛舌，呢度既牛舌厚薄唔錯。