滿屋日本料理 (已結業)

家陣食放題已經係平日放假耐唔耐都會選擇嘅晚飯，因為多款選擇又可以等自己開懷咁食...簡直係爽，揀'滿屋'食因為唔駛分時段 ，除自己喜愛食幾點自己話事，我仲好鍾意佢出面個自助bar有好多唔同嘅小食俾我揀，每樣夾一口份量又唔會浪費又滿足到我想食嘅嘢。而個點心紙好多人都會先揀刺身，我就偏愛食壽司，貪佢一啖一口個蟹膏軍艦我前後叫咗2轉食咗成3舊落肚真係好香蟹膏味，而個鹽燒牛肉壽司都好得，面用火槍辣過更帶出個牛香，之後再主打炸物跟熟食，估唔到食放題都有個糖醋魚食咪叫嚟試吓，又真無原條魚上，而個芝麻雞翼係我必食之一，因為面個芝麻夠香又炸得夠脆，最緊要上台個時仲熱辣辣，個炸芝士年糕，外脆內軟仲好香芝士味，不過依個都係食一個就好，因為我要留肚食多隻雞翼同飯後甜品。