吉壽日本料理 (已結業)

吉壽真係充滿回憶嘅地方，由想當年啱啱流行日式放題到依家，差不多十年時間有多。由預科食到上大學，到依家踏入社會工作，真係懷念。其中都有兩三年冇去，裝修咗之後環境好咗好多，唔會好似以前咁逼。依家企理咗、清潔咗，連食物、飲品選擇都多咗。雖然價錢都比以前差好遠，不過坐得舒服，食物ok 都可以接受！唔知下次再幫襯吉壽會係幾時，不過都希望會有下一次。