滿屋日本料理 (已結業)

因為疫情關係，已經好耐無食過放題，見最近疫情稍為穩定，終於可以約會朋友大吃一番，選擇了銅鑼灣廣場滿屋放題，記得之前來吃過印象好好的，今次再吃亦是一流，食物款式選擇多，而且抵食好味，所以當晚全場滿座的。除左可以寫食物紙點食物外，仲可以自行出去拿熱食和生果冷盤，仲有甜點等，款式幾豐富架！特別喜歡三文魚刺身🍣，夠新鮮又肥美，各款壽司質素都好好，最緊要新鮮！燒大蝦串都好正，仲有鹽燒雞翼都燒得適中又好味，叫完又叫呢！當然，絕對最高興係有哈根大師雪糕和Movenpick雪糕啦，每人限點一杯，大滿足的一餐。