滿屋日本料理 (已結業)

上次食咗旺角既至尊滿屋覺得唔錯，今次就決定試埋佢既朋友銅鑼灣滿屋。本身覺得旺角個間已經正，點知銅鑼灣個間都咁正！除咗門口有得自己自由拎一啲前菜，例如中華沙津等等，今次仲有爆谷機，好啱帶埋細路仔嚟食！今次飲品都好不得了，有成四個飲品櫃，好多唔同既茶、果汁同汽水等等，而今次更加有一個櫃係有五款唔同既啤酒，我就拎咗枝韓國芒果啤酒飲，都好好飲，果味幾重，好易入口。而上次有清酒飲，今次都唔少得，而且仲要多咗個梅酒，酒類選擇係放題嚟講真係非常之多！呢個既刺身選擇都好多，有唔同魚類，仲有帶子，最特別既係有泰式生蝦添，真係唔係度度都有，食落去味道都唔錯！最鍾意呢度既係佢有好多壽司揀，雖然好多人話嚟放題食壽司放咁多飯落肚無咁抵，但總係覺得刺身配米飯係別有一番味道～有唔同既海膽壽司系列～總有鵝肝壽司！甜品既話，有一個甜點櫃，有一啲蛋榚仔等等，仲有另一個櫃係有一啲百福豆腐同埋盒裝啫喱等，而雪榚就都係俾紙我地每人揀一個。服務嚟講，呢間分店都好多職員，好易搵到佢地幫手，而且漏單情況都無出現過，不錯之選，會再嚟食！