影片
更多
2016-05-01
615 浏览
倆老講過，我哋一家人最洗錢嘅地方就係食前排煮食路壞咗，由早餐到消夜，去要出街食，令到我哋一家人食飯可以試多啲新野，放題都係一個唔錯嘅選擇，因我哋幾個簡直係一個黑洞，放題多元化唔怕食唔飽，呢到有刺身、板燒、網燒、蒸海鮮及打邊爐，就係一餐飯裏面可以食到！點餐都有十一個張，成二百幾樣嘢食，另外可以加$88升級，磯煮鮑魚、美國牛肋骨、松葉腳、 元貝及生蠔等，食幾生蠔同鮑魚都夠回本。餐廳已卡位為主，靠窗一邊有多間私人房間，我哋坐六人枱就有兩個爐頭，非常方便桌面大夠地方擺食物，近門口位置仲有得睇電視，亦有自助海鮮沙律吧，多款罐裝飲品自取及甜品雪糕。先來個海鮮盤，放滿嚟到美國嘅生蠔，有配上茄汁及檸檬，食落都幾新鮮，不過仲有啲蠔殼係表面，再清潔得好啲就好啦！另外有一隻隻刺身大蝦，我哋都重複再order就知品質ok！仲有一兩份刺身，因為今日太豐富啦，淺嘗一下就夠了，肚皮要留返食之後嘅好嘢。特別有磯煮鮑魚，以放題就講幾少，亦都帶來驚喜，鮑魚煮得入唒味，有味醂及醬汁香，入口彈牙，煮之前已去除內臟，吃得特別爽快。選擇先點海鮮，食落應該冇咁飽制，三文魚鮫肉質更嫩滑，選用嘅部位帶有魚骨，燒完都唔會散開。青口就塗上
倆老講過，我哋一家人最洗錢嘅地方就係食前排煮食路壞咗，由早餐到消夜，去要出街食，令到我哋一家人食飯可以試多啲新野，放題都係一個唔錯嘅選擇，因我哋幾個簡直係一個黑洞，放題多元化唔怕食唔飽，呢到有刺身、板燒、網燒、蒸海鮮及打邊爐，就係一餐飯裏面可以食到！
點餐都有十一個張，成二百幾樣嘢食，另外可以加$88升級，磯煮鮑魚、美國牛肋骨、松葉腳、 元貝及生蠔等，食幾生蠔同鮑魚都夠回本。餐廳已卡位為主，靠窗一邊有多間私人房間，我哋坐六人枱就有兩個爐頭，非常方便桌面大夠地方擺食物，近門口位置仲有得睇電視，亦有自助海鮮沙律吧，多款罐裝飲品自取及甜品雪糕。
先來個海鮮盤，放滿嚟到美國嘅生蠔，有配上茄汁及檸檬，食落都幾新鮮，不過仲有啲蠔殼係表面，再清潔得好啲就好啦！另外有一隻隻刺身大蝦，我哋都重複再order就知品質ok！仲有一兩份刺身，因為今日太豐富啦，淺嘗一下就夠了，肚皮要留返食之後嘅好嘢。
特別有磯煮鮑魚，以放題就講幾少，亦都帶來驚喜，鮑魚煮得入唒味，有味醂及醬汁香，入口彈牙，煮之前已去除內臟，吃得特別爽快。
選擇先點海鮮，食落應該冇咁飽制，三文魚鮫肉質更嫩滑，選用嘅部位帶有魚骨，燒完都唔會散開。青口就塗上牛油，放落板燒，唔會因水分蒸發易變得乾身，好細心喔。蜆肉最岩用蒸氣煮熟，鮮甜又無沙，新鮮食材不二之選。帶子上面事先放有芝士，肉質一絲絲，火力令芝士燒溶就差唔多食得，大大隻熟咗都唔會縮水，配合鹹香芝士特別帶出甜味。
放題嘅牛肉都有咁款，有不同部位安格斯一口牛、牛舌、西冷、牛仔骨、牛肩胛肉眼，簡單調味一下，每款都充滿肉汁，推介牛胸膜，唔好睇見咁脂肪就怕怕，因為牛胸膜嘅係每隻牛都好少量，所謂物以罕為貴也值得試試，亦唔多餐廳有，煮熟後比較有咬口，如果燒牛肉我會建議用網燒，好讓油脂卸下。另外升級了食材，可以無限食牛肋骨，肉質彈牙，有濃郁牛肉味。
最後點一啲小食，有雞翼及天婦羅，雞翼分成單骨方便煮熟，最好放係圓邊位，容易睇火，亦有芝士雞翼推介，中火慢慢燒會更脆口。點了細份天婦羅同雪糕，就差唔多夠鐘啦。
整體服務都幾好，上菜快，不幫我地收下碟，因為食海鮮特別多貝殼，有需要換碟及要多啲紙巾都好快送上。餐廳抽風系統都見效，唔會好大煙。食物選擇多時間都夠用，放題價錢大約二百蚊，係抵食之選！平均消費$314/位，$198兩小時放題+ $88升級
板燒郎燒肉鐵板放題料理專門店
星期一至日: 17:00-02:00
佐敦白加士街66號新寶廣場5樓全層
Tel: 3543 1183
张贴
