極尚大瀛喜日本料理 (已結業)

我覺得人時唔時都應該要放縱下，比自已係咁瘋狂怒食野，所以喺22年最後一日既LUNCH我決定對自己好啲，走左去食放題HAHA!大瀛喜系放題我覺得喺眾多放題店黎講質素最好既，樣樣無講賣相味道都中上，係ENCORE 首選~ 第一輪--刺身三文魚厚切肥美，帶子鮮甜味美，甜蝦赤蝦爽彈美味，仲有吞拿魚北寄貝八爪魚酒煮榮螺片等等選擇都多~ 第二輪---壽司、手卷壽司選擇都多，首推蒜香牛肉壽司、海膽手卷，鵝肝壽司，仲有個海鮮船---原來係腐皮三文魚粒壽司，又幾得意~~ 大家唔驚食壽司會好飽，因為好細細舊第三輪---一品料理我次次叫最多ITEM都係呢個界別先講肉類料理，有羊架同牛柳粒，同埋原來依家仲新加左----紅燒乳鴿!!!前者燒得香口無膻味，牛柳粒係都啖啖肉唔會好韌~ 之後就係海鮮類：有醉鮑魚，黃金炒海中蝦，櫻花蝦伴龍蝦沙律多士，同埋燒鰻魚，當中最推當然係鮑魚啦，食夠一打都回晒本喇~~第四輪--蔬菜生果魚片湯豆苗幾好食因為天氣凍黎碗暖湯豆苗就啱晒，之後仲有次次必叫既牛油粟米，超甜超香口～～之後就梗係仲有燒菠蘿同埋出面攞既火龍果同蜜瓜 第五輪—自助吧除左用電話點，出面仲有啲小食湯品前菜炸物比你頂住肚