金田日式放題 (已結業)

綜合openrice的食家意見，金田是一間中上嘅放題，前一晚打電話要排waiting list，但第二日就call我話已經有位安排俾我，當然第一時間去試啦。呢度座位編排幾好，有空間感，唔會枱貼枱好似食快餐咁，就算傾計都唔覺得嘈。刺身只有三文魚和甜蝦係OK，赤貝就唔係咁得，表面係暗紅色，個心一沉，食落就更加覺得唔掂，因為好重"水"味，感覺好似將D魚生長期浸係水入面咁。反而熱食呢度做得幾好。首先推介是天婦羅，粉薄又夠熱，正。 芝士年糕必食，年糕軟身，芝士亦唔漏。牛柳粒、牛舌及羊架都做得唔錯，燒得夠味亦有肉汁，不過雞翼就比較普通。其實兩個人食放題，兩round後就已經重複點菜嘅選擇，望望四周，4-6人份量的食物賣相，又靚又大堆頭，真係好吸引，淨係食氣氛都夠過癮啦。下次要湊多D人再擦過。