🔥 必食推薦 🔥
榴槤王
榴槤控必點！味道濃郁到爆，仲要係任點唔嬲，我哋一口氣嗌咗4件，回本首選！
鐵板鵝肝／櫻桃鵝肝
鵝肝入口即化，香濃唔腥，鐵板燒同凍食兩種style都試勻，正到癲！
刺身拼盤
三文魚、帶子、油甘魚全部新鮮厚切，仲有藍鰭吞拿魚赤身，鮮甜到唔使點Wasabi都得！
金銀蒜粉絲蒸扇貝／川味蒸珍寶鮮蠔
蒜香十足，扇貝同蠔都大大隻，小心有殼呀～但真係抵食！
香芒花之戀
芒果＋三文魚＋蟹籽嘅組合，清新得嚟又夠晒IG-able，女仔最愛！
鰻魚忌廉芝士卷
鰻魚燒得啱啱好，夾住淡淡忌廉芝士，邪惡但忍唔住encore！
-部份菜式好似「魚子醬巴拿馬火腿脆脆」同「松葉蟹腳」限量供應，手快有手慢無！
總括來講，大瀛喜款式多、上菜快，而且唔會漏單，$268食到咁多高質嘢，真心抵！放題迷下次gathering可以考慮呢度～
