影片
更多
2019-04-02
23 浏览
杏花邨雖然有少少遠，但係勝在唔使排隊唔多人～呢度雖然係散叫，但係選擇種類繁多，好似放題咁多選擇，有燒物、蠔、刺身、魚生飯、粉同面等等。而我今次就真係食咗最鍾意嘅魚生飯，好鍾意去唔同地方試唔同嘅魚生飯，睇吓佢嘅組合會唔會有特別或者好味，今次係梅菊竹三者選左梅，三者價錢一樣但係刺身組合唔同，有油甘魚、三文魚、玉子同蝦，蝦有成隻手掌咁大隻！蝦頭膏味味道濃郁，大啖啜真係好好食！唔苦唔腥又甘香～飯煮得啱啱好，調味都唔會過酸，食落幾有口感，入邊仲有少少嘅蟹籽同埋Wasabi，所以唔會滯～三文魚同埋油甘魚都切得好厚身，價錢來講係相當唔錯，油香味足，玉子反而就普普通通，我覺得可以再濕潤少少。什錦天婦羅方面竟然有炸冬菇！開頭以為係茄子🤣食落好有驚喜，質感厚實，同平時天婦羅好唔同！值得一試！除此之外仲有炸翠玉瓜、炸蝦都好出色，粉漿唔算厚，偏甜左少少，但係材料就好豐富啦！甜嘅沾汁仲要係唔係普通嘅條豉油，而係有啲酸酸地嘅味道，好似落咗檸檬汁咁幾開胃！而另外一個最驚喜嘅呢就係燒墨汁墨魚🦑啦！開頭以為係一般西式餐廳咁樣，全條魷魚切開一圈圈上，點知原來已經係餐廳加工過，整成好似條香腸咁樣，成條黑色，入邊肉汁豐富，除
呢度雖然係散叫，但係選擇種類繁多，好似放題咁多選擇，有燒物、蠔、刺身、魚生飯、粉同面等等。
而我今次就真係食咗最鍾意嘅魚生飯，好鍾意去唔同地方試唔同嘅魚生飯，睇吓佢嘅組合會唔會有特別或者好味，今次係梅菊竹三者選左梅，三者價錢一樣但係刺身組合唔同，有油甘魚、三文魚、玉子同蝦，蝦有成隻手掌咁大隻！蝦頭膏味味道濃郁，大啖啜真係好好食！唔苦唔腥又甘香～飯煮得啱啱好，調味都唔會過酸，食落幾有口感，入邊仲有少少嘅蟹籽同埋Wasabi，所以唔會滯～
三文魚同埋油甘魚都切得好厚身，價錢來講係相當唔錯，油香味足，玉子反而就普普通通，我覺得可以再濕潤少少。
什錦天婦羅方面竟然有炸冬菇！開頭以為係茄子🤣食落好有驚喜，質感厚實，同平時天婦羅好唔同！值得一試！除此之外仲有炸翠玉瓜、炸蝦都好出色，粉漿唔算厚，偏甜左少少，但係材料就好豐富啦！甜嘅沾汁仲要係唔係普通嘅條豉油，而係有啲酸酸地嘅味道，好似落咗檸檬汁咁幾開胃！
而另外一個最驚喜嘅呢就係燒墨汁墨魚🦑啦！開頭以為係一般西式餐廳咁樣，全條魷魚切開一圈圈上，點知原來已經係餐廳加工過，整成好似條香腸咁樣，成條黑色，入邊肉汁豐富，除咗普通嘅墨魚之外仲混入左少少肥豬肉所以口感好香，值得一試！
下次來就會再試下佢主打的蠔！
燒墨汁墨魚
3 浏览
0 赞好
0 留言
什錦天婦羅
3 浏览
0 赞好
0 留言
「梅」
4 浏览
0 赞好
0 留言
张贴
