最受歡迎梗係榴槤啦，見到每一台人都都有嗌，就知道呢度嘅榴槤有幾正啦！必食
呢度嘅刺身同壽司都好高質，而且款式都好多，我就最鍾意食三文魚刺身啦，食入口鮮味十足，真係食極都唔厭。
熟食方面，呢度都有好多唔同嘅選擇，天婦羅就係我首選，炸嘅溫度啱啱好，所以食入口卜卜脆超正。 而且鍋物都好吸引，食物選擇真係非常之多。
甜品方面梗係要食雪糕，呢度嘅雪糕有Häagen-Dazs同唔同品牌，唔同味道,總有一款啱心水。
滿屋真係好適合一家大細過來食，食物種類多，而且上菜速度都好快，大家一定啱口味。
滿屋日本料理 (大埔)
大埔安邦路8&10號大埔超級城C區地下542-548號舖
