響 - Hibiki 日本燒肉 (已結業)

佐敦白加士街101號珀軒1樓響 - Hibiki 日本燒肉Hibiki燒肉素來好高質，難得今日朋友生日梗係帶佢去食好西賀一賀佢啦~一黎就好快上左個刺身拼盤，除左有三文魚、八爪魚、甜蝦等等常見既款式之外，竟然有海膽同深海池魚!!原來餐廳每檯客都會限送一份，而且每人仲送半隻龍蝦~淨係呢個位都比其他燒肉放題高幾班~去到主角 – 燒肉~近呢幾年都好興上燒肉會加個名牌，話比客人知佢食緊既係咩肉，除左牛肉眼、牛胸腹呢D常見既之外，仲有豚西冷同豚腩片呢D比較少見既，岩晒我朋友唔係點食牛既人XD不過燒肉就無咩限定菜式啦，全部都可以無限任點Encore，食到夠本為止~要數最好食既自然係牛胸腹，脂肪同肉既比例岩岩好，突顯到和牛既油脂濃郁又不乏牛肉既質感，真係一流~除左燒肉之外，仲有其他食物都好正，包括我最愛既燒菠蘿!不過美中不足既係佢要自己燒+薄切，唔似其他放題餐廳咁大大件好厚身，不過一次過食兩件都補返數啦~呢度另一個特色係有任飲梅酒、清酒，全部都係高質素唔係渣野，顯得餐廳真係好用心去諗每一個細節，有佳餚一定要有美酒~最後甜品方面，係無限任拎既movenpick、gelato同dryers!食返幾杯都已經