神輿日本料理 (已結業)

今晚又出左旺角食飯，揀左位於創興廣場5樓的日式放題餐廳。一出電梯，見到裝修好宏偉，好靚，好有日本神舍的氣氛!!點餐紙多到有A-K，超級厚，剌身、壽司、熟食、海鮮、飲品、甜品應有盡有。剌身都有好多款，除左最基本的三文魚，仲有吞拿魚、赤貝、蟹棒，都好鮮甜肥美，夠新鮮!壽司細細件，可以試好多款又唔會即刻好飽，最特別係有和牛壽司，薄切牛好食。燒海鮮有芝士蠔同忌廉帶子，細細粒，但味道足，整得幾好食。飲品有利賓納，正!!唔駛飲咁多汽水。甜品同雪糕係自助拎，有奶凍，木糠布甸。滿足的一餐。