牛角日本燒肉專門店 (奧海城2期) (已結業)

平時好少食牛角，雖然幾好食，但散叫價錢唔平次次都食唔飽，唔太抵。點知有次經過見到原來有放題任食，價錢亦不太貴，所以即刻狗衝。佢得幾間分店有做放題，我地就去左奧海城呢間，去到拎飛後都要等一段時間，好彩都可以行下商場打發時間。佢有幾個級別價錢可選，我地就揀左中間嗰個有牛任食的價錢。用pad點菜都幾方便，而且食物飲品都黎得好快！整體食物質素不錯，算多選擇！每碟份量不多，可以盡情試哂咁多款。啲牛都算鮮嫩，用啲新鮮菜包住食一流！特別鍾意佢啲大腸、牛舌、粟米、牛角飯！另外，推介佢個蕃薯！十分十分甜！好好食！忍不住不斷追加！可惜限時短，全程要不停燒不停食好忙。