大瀛喜日本料理 (已結業)

其實我都好耐冇試過食放題。因為放題每況愈下真係有時為咗填飽個肚但又唔知食咗啲乜。有一日行完山，太肚餓，就決定要食餐好飽嘅。魚生我哋一開始點左每樣幾件，試吓咩味道。吞拿魚味道唔錯，我哋再加第二批，不過冇第一批咁好味，真係睇彩數，但係都OK好食。油甘魚同帆立貝係我哋嘅至愛。之後熱食一啲都唔失禮，有蒜蓉燒帆立貝、燒翠玉瓜、天婦羅蝦、魚湯浸菜苗、煙三文魚多士，總之好多款啦。嘢飲同埋雪糕都有好多選擇，可以自己出去拎。