大喜屋

营业中

休息中

成日都口痕想食放題，貪佢咩都有得食，而且價錢又唔貴。今日拎咗AL，專登去咗沙田嘅大喜屋食返一餐。大家一貫都知佢嘅刺身水準好高，所以今日講吓佢嘅熟食，順便推介一啲正正嘅俾大家。✨龍蝦沙律伴櫻花蝦多士多士好脆口，一件一口，唔會滯肚，龍蝦沙律凍冰冰配上鹹鹹香香嘅櫻花蝦，一口氣食咗三件。✨極品花膠盛宴邊有估到佢放題都有花膠食，而且水準都唔錯，花膠微彈夠淋身，而且滋潤養顏！✨上湯燴大蝦球睇到呢個名以為自己去咗中菜廳呢，一樣係放題可以點嘅菜式之一，大蝦球滿滿都係蝦肉，真材實料，而且爽口彈牙又鮮甜，湯汁亦都唔會太鹹。✨鹽燒鯖魚份量唔係好大條，但係鹽燒得相當惹味，肉質較實淨。✨比目魚西京燒每次必食嘅餐點，甜甜嘅醬汁加上完全冇魚骨嘅配搭，真係好好味！✨芝麻雞翼、雞軟骨串絕對係我嘅最愛，芝麻雞翼炸到脆卜卜，juicy又金黃，雞軟骨嘅口感一流，鍾意食串燒或者食炸物嘅朋友絕對不能錯過！