位於旺角，地點好方便。餐廳面積都幾大，平日夜晚去到都座滿人，相信人氣都幾旺。
加10蚊有埋生蠔任食，好吸引! 可惜友人唔食，唯有下次再試。
睇睇餐牌選擇夠多，最特別有蒸汽火鍋。
第一時間食主角---刺身! 整體都新鮮，白玉拖羅刺身好特別，平時比較少試到，幾香魚脂味。
壽司size細細，一啖一件唔會太滯，又可以試多幾款，而且配搭都唔錯。
串燒上到台都仲熱，最滿意係牛舌同翠玉瓜，牛舌香口，翠玉瓜多汁。
清酒煮蜆酒味好重! 蜆肉唔算大隻不過鮮甜冇沙，都唔錯。
蒸汽鍋仔幾有新意，配料仲有唔少海鮮可以揀。不過鍋仔較細一次蒸唔到太多，好玩多過為食
竟然有暖飲品提供，咁凍天氣真係幾貼心。
1
如果想食放題但budget預算唔高，番本都係抵食選擇，食物種類幾多，仲可以放題同蒸汽火鍋打孖上!
