雋太日本料理 (已結業)

次次經過都一大堆人排隊，有朋友試過團購午餐覺得唔錯，咁我就試下晚市啦，我地book左8:30-11:30果個時段，首先一定係試刺身先，刺身因為有冰底好夠凍，我最鍾意帶子，三文魚，甜蝦，去任何食日本野既地方我都必食軟殼蟹手卷，就算放題都唔例外，軟殼解脆卜卜無令我失望，燒蝦串，沙律，天婦羅，串燒，清酒煮蜆，煮青口，卷物，因為我地一行五人，差唔多咩都試，價錢同質素我覺得ok,刺身，串燒紫蕃薯同菠蘿，煮蜆更係叫完一次又一次，但炸物略嫌油左小小，同埋味道偏淡，員工全晚做到無停手，但唔會好似之前d人講黑面無禮貌，漏單情況唔嚴重，野食份量亦泥得足，如果叫熱飲（如紅棗蜜，柚子蜜都係員工負責沖）因我坐得近水吧，佢收完單就在我後面沖，所以忙中keep到無黑面無禮我已經收貨。如果食早一輪或遲一輪仲會更加抵添，最後一人仲有一杯m字頭雪櫃，大大大滿足，飽到上喉嚨⋯